Ekainaren 3tik 12ra arte, 12 eta 18 urte bitarteko Gurutzetako neska-mutilek, aisia hezitzaileko eta udal partaidetzako GILTZARRI zerbitzuaren laguntzarekin, ginkana parte-hartzailea egingo dute bertako auzoa, biztanleak, tokiak, dendak eta elkarteak hobeto ezagutzeko.
“AuzON!” Ginkana hamar egunez egingo da, ekainaren 3tik 12ra, eta,izena emateko,maiatzaren 24tik ekainaren 2rabitartean egin ahal izango dute. Horretarako, izena emateko fitxa entregatu beharko dute honako bide hauen bidez:
– Giltzarriko hezitzailearen bidez, Gurutzetako BHIn.
– Gurutzetako topalekuan (astelehenetik ostiralera 16: 00etatik 17: 30era edo 18: 00etatik 19: 30era)
– E-mailez: giltzarri@barakaldo.eus
– Whatsapp bidez 688 80 98 96 zenbakira
Ginkana honetan gutxienez 2 eta gehienez 4 partaideko taldeetan parte hartu ahal izango da, 12 eta 18 urte bitartekoetan. Talde bakoitzak galdera-sorta bat izango du saltokiei, elkarteei, baliabideei, auzoko biztanleei eta mapa bati buruz. Ginkana osatzen duten taldeen artean kupoi batzuk zozkatuko dira, auzoan bertan Retuerto, Burtzeña, Lutxana, Llano edo Gurutzeta) erositako produktuekin trukatzeko erabili ahalko direnak.
