Urtero, Giltzarrik, Barakaldoko Udaleko 12 eta 18 urte bitarteko gaztetxoentzako aisialdi hezigarri eta parte hartzailearen zerbitzuak, Emozio Jardunaldiak antolatzen ditu, nerabeen hezkuntza eta osasun emozionalaren inguruko hainbat alderdi lantzeko, hala nola, autoestimua, emozioen kontrola, eta abar. Aurten, XI. Jardunaldiotan “Elikadura arazoak: Anorexia eta Bulimia” gaia landuko dugu.
Gurasoak, gizarte-hezkuntza eragileak, lagunak eta, azken finean, gizarte osoa gara egoera hauek gainditzen laguntzeko eta saihesteko gakoa.
Horregatik, gurasoei, tutoreei, teknikoei eta gizarte-hezkuntza eragileei zuzendutako jardunaldian parte hartzera gonbidatu nahi zaituztegu. Jardunaldia otsailaren 9an, osteguna, 19:00etan, Clara Campoamor Zentroan egingo dugu, ACABE elkartearen (Euskadiko Anorexia eta Bulimiaren Aurkako Elkartea) eskutik.
Jardunaldia irekia eta doakoa da, eta, joan nahi izanez gero, izena eman behar duzue e-mail honen bidez: giltzarri@barakaldo.org edota telefonoz: 94 478 95 97 / 688 80 98 96
Beste alde batetik, otsailaren 10ean, ostirala, 18:30ean, beste jardunaldi bat ere burutuko dela jakinarazi nahi dizuegu, 12-18 urte bitarteko gazteei zuzendua. Autoestimuaren garrantzia gaia landuko dugu, bai eta edertasunaren ereduen inguruan jasotzen dugun informazio guztiari aurre egiteko jarrera kritikoa ere, horrelako gaixotasunak ekiditen laguntzeko.
